Déngiz qaraqchliri herikette 27 Nisan 2009 Pazartesi << Ana Sayfa - Bash Bet - Main Page>>

Türkiye awazi radi'osi xewiri: somali déngiz qaraqchliri térroluq heriketlirini hedep kücheytmekte.

Bu qétim bir italiye yoluchilar paraxodini körüge éliwélishni nishan qilghan qaraqchilar meqsitige yételmidi.

1500 Yoluchi bar bolghan « mélodi» namliq italiye paraxoti, somali déngizida kétiwatqinida, déngiz qaraqchilirining hujumigha uchridi.

Déngiz qaraqchiliri, ilghar qorallar arqiliq paraxotqa hujum qilip, paraxotqa chiqishqa temsheldi.

Biraq paraxotta wezipe ötüwatqan isra'iliyilik muhapizetchiler, déngiz qaraqchilirini oqqa tutush bilen birge, qaraqchilargha qaritip küchlük bésimliq su chachti.

Tuyuqsiz qilin'ghan bu qattiq zerbe netijiside, qaraqchilar beder tikiwetti.

Weqede azraq ziyan'gha uchrighan mélodi namliq paraxot, ispaniye urush paraxotining yardimi bilen sepirini dawamlashturdi.

Yuqiriqigha oxshash weqeler meydan'gha kelgendin kéyin, paraxotlarda amanliqni saqlash xadimlirining wezipe ötüshning qanchilik derijide ehmiyiti barliqi küntertipke keldi.

Bir qisim mutexessisler, bu xil ehwal yolgha qoyulsa zorawanliqni teshebbus qilidighanliqini we déngiz qaraqchilirini öltürüshke bashlaydighanliqini ilgiri sürüp, bu qarashqa qarshi chiqmaqta.

Buninggha qarshi pikirdikiler bolsa, soda paraxotida yolgha qoyulmisimu, yolochi paraxotida qoralliq muhapizetchilerning wezipe ötüshining tolimu ehmiyetlik ikenlikini ilgiri sürmekte.

http://www.trtuyghur.com/international/newsDetail.aspx?HaberKodu=a7d55c76-6ea5-41c7-8cab-fb4e67b8ab2c